Kim Kardashian dhe Kylie Jenner urojnë Kendall me fotografinë e rrallë nga fëmijëria
Mbrëmjen e djeshme, Kendall Jenner festoi 23-vjetorin e lindjes. Urimi më i veçantë ishte i motrës së saj, Kim Kardashian, e cila krahas publikoi dhe një fotografi të rrallë nga fëmijëria e tyre. Në foto shihet Kendall bebe që qëndron mbi barkun e Kim. “Gëzuar ditëlindjen Kendall! Asnjëherë nuk kam takuar një njeri më të ëmbël dhe më të bukur dhe që i gëzohet kaq shumë jetës sa ty. Shpresoj që të marrësh çdo gjë që ke ëndërruar për ditëlindjen tënde, sepse e meriton. Jam shumë e lumtur që je motra ime. Të dua”, – shkruajti Kim bashkangjitur fotografisë.
Me disa foto nga fëmijëria e ka uruar edhe motra tjetër Kylie Jenner.
Për ditëlindjen e saj, Kendall i habiti të gjithë, sepse ishte veshur shumë thjesht dhe kishte bërë një grim shumë natyral. Ajo mbante veshur një xhaketë të gjatë të zezë, një palë xhinse dhe atlete.
