Kontraceptivi i ri për meshkujt mund të çaktivizojë spermatozoidët

Shkencëtarët kanë punuar për një kontraceptiv oral mashkullor për dekada – dhe tani janë një hap më afër pasi një ilaç eksperimental çaktivizoi përkohësisht spermën tek minjtë dhe parandaloi shtatzënitë në provat paraklinike.

Në një punim të botuar këtë javë në Nature Communications, shkencëtarët nga Universiteti Cornell thanë se gjetjet e tyre mund të jenë një “ndryshues i lojës” për kontracepsionin mashkullor.

Studimet e mëparshme mbi kontraceptivët eksperimentalë për meshkuj kanë arritur nivele mbresëlënëse suksesi deri në 94 përqind, por shumica e tyre ndikojnë në zhvillimin e spermës, që do të thotë se duhen muaj që kontraceptivi të jetë i besueshëm dhe gjithashtu duhen javë për të ndryshuar efektin e tij.

Studiuesit në Weill Cornell Medicine zbuluan se një dozë e vetme e pilulës së re të quajtur TDI-11861 bllokon spermën tek minjtë deri në dy orë e gjysmë.