Krimi monstruoz/ Vrau shoqen shtatzënë dhe i nxorri fëmijën nga barku, dënohet me vdekje 29-vjeçarja në SHBA

SHBA- Një grua është dënuar me vdekje për vrasjen e shoqes së saj shtatzanë, të cilës i nxorri fëmijën nga barku për ta marrë si të sajin.

Sipas Skynews, Taylor Parker, 29 vjeç, u dënua muajin e kaluar për vrasjen e Reagan Simmons-Hancock dhe të mërkurën një juri në Teksas i dha asaj dënimin me vdekje. Ajo vrau 21-vjeçaren në tetor të 2020-ës, duke i gjuajtur në kokë dhe më pas i preu barkun për të hequr foshnjën.

Prokurorët thanë se Simmons-Hancock, e cila ishte 35 javë shtatzënë, ishte ende gjallë pas sulmit, i cili ndodhi në shtëpinë e saj ndërsa vajza e saj trevjeçare ishte atje. Fëmija i palindur nuk mbijetoi.

Në një deklaratë në gjykatë, nëna e Simmons-Hancock, Jessica Brooks e quajti Parkerin një “pjesë të keqe mishi të demonit”.

“Fëmija ime ishte gjallë ende duke luftuar për foshnjat e saj kur ju e therët atë dhe ia hoqët foshnjën nga barku”.-i tha ajo vrasëses.

Foshnja u gjet në prehrin e saj me kordonin e kërthizës që dukej se vinte nga pantallonat e saj në një përpjekje për ta bërë të duket sikur sapo kishte lindur. Vetëm kur të dy u dërguan në spital, realiteti i tmerrshëm filloi të zbulohej.

Prokurorët thanë se në prag të vrasjes, Parker e kishte bërë veten të dukej shtatzënë, kishte falsifikuar ultratinguj dhe kishte bërë një festë për zbulimin e gjinisë. Burri i viktimës, Homer Hancock, tha se gruaja e tij ishte “disi mike” me vrasësin e saj dhe se Parker kishte bërë fotot e tyre të dasmës dhe fejesës.

Jurisë në Bowie County iu shfaq një foto e skenës së krimit të trupit të njomur me gjak të Simmons-Hancock ndërsa prokurorët dhanë deklaratat përmbyllëse të mërkurën. Ata mund ta kishin dënuar Parkerin me burgim të përjetshëm pa mundësinë e lirimit me kusht, por ajo tani i bashkohet dënimit me vdekje. Avokati i saj tha se ata planifikojnë të apelojnë.