“Mami me fat! Mezi po të pres”, Kristina Baki zbulon gjininë e bebit nr. 2

Modelja e njohur shqiptare, Kristina Baki, ka ndarë para disa javësh me ndjekësit e saj lajmin e gëzueshëm se është në pritje të fëmijës së dytë.

Ndërsa ditën e sotme ajo ka publikuar një video ku ka treguar edhe gjininë e bebit.

Modelja do të bëhet nënë e një vajze tjetër, të cilën po e presin me shumë dashuri.

“Mami me fat. Mezi po të pres vogëlushe”, ka shkruar ajo krahas videos.

Kujtojmë se Kristina Baki u bë nënë për herë të parë në maj të vitit 2022, kur mirëpriti në jetë vajzën e saj, Siera. Emri Siera është sugjeruar nga gjyshi i Kristinës dhe ka një domethënie të veçantë; në shqip interpretohet si “si era”, ndërsa në spanjisht do të thotë “mal”.

Kristina ka qenë gjithmonë diskrete lidhur me jetën e saj private, duke ndarë rrallëherë detaje personale në rrjetet sociale. Megjithatë, postimet e fundit kanë sjellë shumë urime dhe përgëzime nga ndjekësit dhe miqtë e saj.