Mami Miriami se beson dot, por Ameli është bërë zonjushë që ikën vetë në kopësht!
Në ditët e fundit të muajit gusht, e vogla e Miriam Canit dhe Alban Skënderajt nisi për herë të parë kopështin! Duket se vogëlushja Ameli adhuron kohën e shpenzuar mes miqve të vegjël dhe shkon e lumtur në kopësht.
Ishte Miriam Cani që publikoi pasditen e sotme një foto të adhurueshme të Amelisë. Ajo shfaqet duke ecur, e veshur me një bluze të bardhë dhe një fustan të zi, ndërkohë që në krahë mban çantën e kopshtit.
“Nuk e përballoj dot gjithë këtë ëmbëlsi” – shkruan krahas fotos Miriam Cani.
Disa orë më parë, ajo shpërndau edhe një tjetër foto ku shfaqej një përqafim plot dashuri mes saj dhe vajzës, Ameli.
