Manastirliu: Fëmijët e lindur jashtë vendit kanë përfituar bonusin e bebes si ata në Shqipëri

Ministrja e Shëndetësisë Ogerta Manastirliu ka deklaruar se 3600 fëmijë të lindur jashtë vendit, por të regjistruar në vendin amë gjatë këtij viti, kanë përfituar bonusin e bebes.

Manastirliu thekson se ata kanë përfituar bonusin njësoj si çdo fëmijë që ka lindur në spitalet publike dhe jopublike në vend.

“Më shumë se 3600 fëmijë të lindur jashtë vendit, por të regjistruar në vendin amë gjatë këtij viti, kanë përfituar bonusin e bebes, 40,000 , 80,000 dhe 120,000 lekë të reja, njëlloj si çdo i fëmijë që ka lindur në spitalet publike ose jopublike në vend”, u shpreh Manastirliu.