Masat anti-Covid/ Si do të bëhet hyrja dhe dalja nga shkolla, publikohet videoja

Shkollat hapën dyert më 31 gusht për të gjithë ata që nuk kanë mundur të ndjekin rregullisht mësimin online dhe për ata që kanë ndjerë nevojën e ripërsëritjes së mësimeve. Ndërsa më datë 14 shtator do të fillojë viti i ri shkollor, 2020-2021.

Një sërë rregullash rigoroze janë publikuar disa ditë më parë nga Ministria e Arsimit që duhet të ndiqen nga të gjithë nxënësit, si masë për paradalimin e përhapjes së Covid-19.

Pak më parë, Ministrja e Arsimit, Besa Shahini ka publikuar një video, ku shpjegohet qartë si do të bëhet hyrja dhe dalja nga ambientet e shkollës.

Duke qenë se mësimi do të zhvillohet me turne, drejtoria e shkollës duhet të bëjë një grafik oraresh dhe nxënësit duhet të paraqiten në orarin e përcaktuar.

Në hyrje do të respektohet distanca prej 2 metrash dhe do të matet temperatura me termometër digjital. Nxënësit duhet të kujdesen që duart e tyre të jenë gjithmonë të pastra, duke i pastruar me alkool ose dezinfektant

Edhe dalja do të bëhet gjithashtu duke ruajtur distancën fizike.

Videoja shpjeguese: