Mbetën të bllokuar në kanionin e Holtës në Gramsh, mbytet një vajzë, shpëtohen 4 fëmijë

Një grup me turistë shqiptarë i nisur nga Gramshi për të eksploruar kanionin e Holtës janë përfshirë nga uji i lumit e për pasojë një vajzë ka humbur jetën.

25-vjeçarja nga Lushnja është gjetur e pa jetë si pasoje e rrëmbimit nga rryma e fuqishme e ujit.

Fillimisht policia arriti të shpëtonte 4 fëmijë, ndërsa të bllokuar kanë mbetur një djalë te të 20-tat dhe një burrë rreth të 50-tave.

Personat që kishin humbur kontaktet në kanionet e Gramshit janë gjetur nga Policia dhe Zjarrëfikësit.

Në operacionin e kërkim-shpëtimit është përfshirë edhe RENEA me polumbarët e saj.

Ndërkohë vijon krehja e zonës së kanioneve për tu siguruar që s’ka persona të tjerë që mund të kenë nevojë për ndihmë.