“Më qan zemra për 11-vjeçaren”, reagimi i ashpër i Vera Orës për ngjarjen e rëndë në Kosovë!
Mamaja e Rita Orës, Vera Ora punon prej vitesh si psikiatre në NHS(Shërbimi i Shëndetit Kombëtar në Angli).
Së fundmi ajo ka reaguar në lidhje me ngjarjen e rëndë që ndodhi në Prishtinë, ku një vajzë 11-vjeçare u përdhunua nga një grup prej 5 djemsh për 7 orë.
Në videon e publikuar në “Instagram”, ajo thotë se akti i tmerrshëm duhet të dënohet shumë ashpër, teksa ka shtruar disa pyetje të rëndësishme për shoqërinë.
“Një akt i cili duhet të dënohet ashpër. Ne si shoqëri si e shohim dhe si e mendojmë në mendjen e atyre që e kanë bërë këtë akt. Doja të përmend disa pika që mendoj se mund të jenë të rëndësishme. Çfarë është psikologjia e atyre njerëzve dhe çfarë kanë pasur si qëllim në këtë akt aq të tmerrshëm ndaj një fëmijë 11-vjeçar? Nga aspekti psikologjik mendoj që duhet të shikohen këto raste që janë shumë komplekse me një dinamikë shumë më të madhe se sa kur të bëhet akti.
Unë e shoh këtë si një grup të drejtuar nga një profil. Kush është lideri dhe çfarë prapavije ka pasur ai njeri dhe ata që kanë dhe ndjekësit që i kanë përcjellë dhunuesit që të bëjnë një akt kaq të tmerrshëm? Është një dukuri që duhet menduar. Mund të jetë një sulm i organizuar dhe i planifikuar shumë gjatë me një strategji, mund të them ndonjë qëllim apo ndonjë hakmarrje apo ndonjë akt i cili është bazuar në një prapvijë. Mua me qan zemra për atë që ka mundur ta përjetojë ajo vajzë dhe traumat që ka mundur të pësojë ai fëmijë, trauma të cilat ndoshta kurrë nuk do të largohen nga jeta e saj. Si në psiqikën e saj ashtu edhe në të familjes dhe rrethit të ngushtë. Siç thashë dhe më parë ky grup e ka një udhëheqës, një psikopat udhëheqës, i cili ka bërë një ide dhe e kanë përcjellë të tjerët. Varet çfarë kushti kanë qenë ato sugjerime. Sigurisht që mund të ketë pasur ndonjë që ka rezistuar, por dihet se çfarë ndodh me ata që rezistojnë. Mund të jetë quajtur si qyqar, i dobët, jo mashkullor, jo i fortë. Kur bëhet një akti i tillë ne si shoqëri fillojmë të akuzojmë një ngjarje të tillë me të drejtë, por ndoshta është me rëndësi të shohim si shoqëri çfarë të bëhet në këto raste. Këto grupe janë të ashpra”, ka thënë mamaja e Rita Orës.
