“Më thoni që kam bërë zgjedhjen e duhur!” nëna kërkon ngushëllim për veprimin që i rrezikoi jetën fëmijës

“Çdo prind do më të mirën për fëmijët e tij, unë jam një nënë që jam kundër vaksinave dhe jam në spital me djalin tim dy muajsh. Ai ka pertussis (një sëmundje ngjitëse që prek rrugët e aparatit respirator), të cilin sipas mjekëse e ka marrë nga vajza, e cila është gjithashtu e pavaksinuar”. Me këtë postim u shfaq në Facebook, një grua amerikane e cila ndezi në rrjetet sociale debatin për vaksinimin apo mosvaksinimin e fëmijëve.
Nëpërmjet mediave sociale, nëna u kërkon përdoruesve t’i japin forcë në këtë moment të vështirë: “Unë u ofendova nga shumë nëna për këtë, por unë ende besoj në idenë time”, pastaj pyet, “A ka ndonjë tjetër që ka fëmijë të sëmurë rëndë, sepse nuk i kanë vaksinuar?”. Natyrisht është e frikësuar dhe e shqetësuar sepse djali është me të vërtetë keq. Së fundi ajo përfundon: “Kam nevojë për inkurajim, më thoni nëse kam bërë zgjedhjen e duhur”.
Megjithatë, komentet ishin mjaft indikative. “Djali i saj është sëmurë dhe në çdo fjalë të postuar merret vetëm me veten”, thotë një nga komentet të cilin e përkrahën dhe shumë të tjerë. Pertussi është një sëmundje bakteriale shumë serioze për fëmijët. Mund të shkaktojë komplikime në sistemin nervor, laringit dhe bronkopneumoni me një normë vdekjeje prej 0.2% gjatë dy viteve të para të jetës.