“Meghan është një kancer që do zhdukur”: Mbretëresha do e blejë me para divorcin e saj me Harry-n

Shumë anashkalime të protokollit, Meghan Markle nuk gëzon më simpatinë e mbretëreshës Elizabeth. Dhe ndoshta Oborri po përgatit një plan… për divorc. Kështu shkruan revista “Globe”, duke iu referuar një e-mail-i të një anëtari të familjes mbretërore, që zbulon synimin e madhërisë së saj, pas veprimeve të papërshtatshme të ish-aktores amerikane.

Një gardërobë me shifra të diskutueshme, pjesëtarë të stafit që po ikin një e nga një, daljet jashtë protokollit nga bashkëshortja e princit Harry; janë disa sjellje të dukeshës së Sussex që mezi përtypen nga pallati mbretëror. E fundit, ishte vendimi i Meghan për të hequr dorë nga dadoja mbretërore, për t’ia besuar rritjen e fëmijës të ëmës, Doria Ragland.

Sipas e-mail-it të publikuar nga “Globe”, madhëria e saj planifikon një plan divorci, për ta larguar aktoren nga princi Harry. Ajo cilësohet “kancer nga i cili duhet liruar në mënyrën më pak të dhimbshme” dhe “gjuetare e pangopur”.

Nëse realizohet divorci, Meghan mund të marrë 37 milionë dollarë, por në këmbim duhet të largohet nga Pallati dhe ta lërë fëmijën në Londër.