Mirë çanta, por ç’keni për të thënë për shifrën totale të veshjes së Stormi-t në ditën e parë të shkollës?
Ditën e djeshme vogëlushja e Kylie Jenner dhe Travis Scott, Stormi, u kthye për të disatën herë në kryefjalën e mediave në mbarë botën.
Kjo për arsye të çantës super të shtrenjtë për ditën e parë të shkollës.
Mami Kylie ndau në Instagram foto e video të vajzës së saj, e cila po fluturonte nga gëzimi për të nisur mësimin (që do ta zhvillojë në shtëpi).
Por, ndjekësve i mbetën sytë tek çanta Hermes Togo Kelly Ado e vogëlushes. U zbulua se çanta e shkollës së Stormi-t kishte kushtuar plot 12.000 dollarë, shifër që bëri jo pak bujë në rrjet.
Pamjen e saj vogëlushja e kishte plotësuar me një palë atlete Air Jordans, një fustan të zi dhe një palë vathë diamanti.
Mirëpo, fansat i ka shtyrë kurioziteti të mësojnë shifrën totale që Kylie ka shpenzuar për Stormi-n në ditën e parë të shkollës dhe rezultati na la me gojë hapur.
Fustani i zi që Stormi ka veshur është i firmës së babait të saj Travis, “Astronomical” dhe kushton 53 dollarë.
Gjithashtu, atletet e saj Air Jordans “Preschool Kids Shoe” kanë kushtuar 80 dollarë, ndërsa vëthët e diamantit në vesh merrini vetë me mend.
Duket se Kylie-t i pëlqen të shpenzojë më shumë para në aksesorë sesa në rroba, siç ka bërë edhe me të voglën e saj.
Epo, është me fat, jo me inat! Stormi lind, nuk bëhesh!
