Ndahet nga jeta ylli i filmave për adoleshentë, 10 vjet më parë humbi motrën binjake

Aaron Carter, vëllai i ikonës së famshme të pop-it dhe këngëtarit të Backstreet Boys, Nick Carter, është gjetur i vdekur në vaskën e shtëpisë e tij në Lancaster, California.

Forcat e rendit thanë se ata morën një telefonatë në orën 11:00 të mëngjesit të së shtunës ku thuhej se “një mashkull ishte mbytur në vaskë”.

Detektivët e krimeve janë duke hetuar, por për momentin nuk ka asnjë informacion apo dëshmi të mëtejshme.

Shërbimet e urgjencës janë parë jashtë shtëpisë së Carter’s Lancaster e cila është rrethuar me shirit policor.

Carter u bë i famshëm që fëmijë, fillimisht si këngëtar dhe më vonë si aktor në shfaqjet televizive si ‘Lizzie McGuire’ dhe ‘7th Heaven’.

Carter fitoi famë në vitet ’90 me plot katër albume, duke filluar me albumin e tij debutues kur ai ishte vetëm 9 vjeç.

34-vjeçari luftoi me varësinë ndaj substancave për shumë vite, duke u përballur edhe me probleme ligjore dhe duke hyrë në rehabilitim ndërsa vazhdoi karrierën e tij muzikore.

Në vitin 2019, ai zbuloi se ishte diagnostikuar me “çrregullim të shumëfishtë të personalitetit, skizofreni, ankth akut dhe depresion”.

Ai ka lënë pas djalin e tij Prince.

Carter humbi 10 vjet më parë edhe motrën e tij binjake në moshën 25-vjeçare nga një mbidozë droge.