Ndjekësit mendojnë se me këtë ‘mesazh të koduar’, Meghan zbuloi gjininë e bebushit numër dy!

Meghan Markle dhe Princ Harry do të bëhen sërish prindër. Bebushi numër dy është rrugës!

“Archie, i cili pritet të mbushë 2 vjeç më datë 6 maj do të bëhet vëlla i madh. Duka dhe Dukesha i Sussex-it do të bëhen prindër për herë të dytë”, rrëfeu një burim për PEOPLE.

Meghan dhe Harry e njoftuan lajmin e tyre të shtatzënisë përmes një fotografie bardhë e zi, ku Meghan shfaqet e shtrirë në prehrin e Harry-t. Dukesha e Sussex-it mbante veshur një fustan nga Carolina Herrera.

Shtatzënia ka nisur ta ndryshojë Dukeshën, e cila është shfaqur për herë të parë në publik pas këtyre lajmeve.

Ata mbajtën një fjalim të shkurtër në një video për ‘Spotify’ që promovon podcast-in e tyre “Archewell Audio” dhe të gjithë sytë ishin tek Meghan.

Ajo është fryrë në fytyrë dhe ka shtuar disa kilogramë, teksa dukej e lumtur krah bashkëshortit të saj.

Mirëpo në këtë dalje publike, vëmendjen e mori unaza e Meghan Markle, e cila mendohet se po zbulon ‘sekretin’ e gjinisë së bebushit.

Dukesha mbante një unazë me gur zafiri ngjyrë rozë me prerje trëndafili (1,144 dollarë), gjë që i ka shtyrë ndjekësit të besojnë se pas Archie-t, çifti po bëhet me vajzë.

Unaza është prej ari 14k dhe 18k dhe është bërë me 100% ar të ricikluar të qëndrueshëm.

Megjithatë, s’ka ende asnjë lajm zyrtar prej dyshes për gjininë e fëmijës.

Meghan dhe Harry do të bëhen sërish prindër në fund të pranverës.