Nga ëmbëlsirat deri tek tavani, ditëlindja e parë e Kulture ka kushtuar sa e gjithë lagja jote

Vajza e Cardi B dhe Offset sapo ka mbushur 1-vjeç dhe prindërit e vogëlushes organizuan festën më të madhe, e cila ka kushtuar me qindra mijëra dollarë. Sipas ‘TMZ’, Cardi B ka shpenzuar 400 mijë dollarë për 1 vjetorin e të voglës. Festa ishte organizuar e gjitha për fëmijë dhe reperja nuk ngurroi të ndajë me publikun disa foto ku dallohej Kulture e veshur me një fustan shumëngjyrësh.

Tryeza ishte e mbushur me ëmbëlsira të shumëllojshme, ndërsa tavani ishte i mbuluar nga tollumbacet.

 

Offset shpërndau gjithashtu disa foto nga kjo festë ku tregonte një detaj interesant nga festa. Biskotat e realizuara për ditëlindje kishin pamjen e vogëlushes. Dyshja ndau edhe disa pamje të tjera të festës nga pjesa ku ndodheshin të rriturit, të cilët po e shijonin në maksimum atë moment.

Kujtojmë se Cardi ka treguar herë pas here se ka kryer blerje tepër të kushtueshme për veshjet dhe çdo detaj tjetër të vajzës së saj.