Një emër të madh sa bota! Elita nxjerr fotot me vajzën e porsalindur dhe dëgjojeni pak si e ka quajtur
Një ditë më parë, Elita Rudi dhe Gjiko, u bënë prindër për herë të dytë. Moderatorja e njohur ka sjellë në jetë një vajzë.
Sot, Elita ka ndarë me ndjekësit edhe fotot e para ku shfaqet me vogëlushen në krah. Në një pozë sigurisht që shfaqet edhe bashkëshorti i saj, teksa e puth në ballë.

Moderatorja ka zbuluar edhe emrin që ata të dy kanë vendosur për të bijën, Bota Gjikolli.
“Familja jonë u kompletua. Dje mbërriti mes nesh engjëlli jonë i vogël, Bota Gjikolli, 03.03.2021”, ka shkruar ajo bashkëngjitur me fotot e bukura që janë pëlqyer menjëherë nga fansat. Kujtojmë se ata janë edhe prindër të një djali, Zëri.
