Një familje si ajo e kryeministrit kanadez! Urimi i bashkëshortes me albumin e fotove plot aventurë

Zonja e Parë e Kanadasë, Sophie Truedau ka uruar bashkëshortin Justin për “Festën e Babait”, me një mesazh në rrjetet sociale ku e falenderon për prezencën e tij në jetën familjare, bashkangjitur disa imazheve nga “aventurat” e familjes.

“Duke filluar nga ndihma jote përgjatë netëve pa gjumë, në përqafimin tënd mbështetës në çdo moment të rëndësishëm, babai që na frymëzon çdo ditë. Ne të duam babi Justin. Ne ushqehemi nga ngrohtësia, durimi dhe dashuria jote çdo ditë… vlera esenciale për të kaluar një adoleshencë”– ka shkruar ajo në profilin e saj në Instagram.