Një zonjushë e vogël! Sa shumë qenka rritur Helena e Diellza Kolgecit!
Në muajin prill të vitit 2018, ish-Missi Diellza Kolgeci u bë nënë për herë të parë.
Ajo dhe partneri, Fisnik Rugova, u bënë prindër të një vogëlusheje të cilën e pagëzuan me emrin Helena.
Të rralla janë rastet kur Helenën e kemi parë në rrjete sociale, megjithatë në çdo foto që ka qarkulluar, e vogla duket se nuk i ka lënë gjë të ëmës!
Megjithëse s’kishte qenë aktive prej kohësh, sot Diellza ka treguar sa shumë është rritur vajza e saj.
“Helena me mamin 17 vjeçare”- shkruan Diellza krahas fotos ku e vogla ka pozuar pranë fotografisë së të ëmës kur u shpall miss.
Më herët, Diellza ka rrëfyer se i ka përballuar me shumë qetësi dhimbjet e lindjes.
“Kam lindur në mënyrë natyrale dhe kam qëndruar disa orë në spital. Në korridor kisha mamin, Fisnikun dhe disa njerëz, por nuk doja ta mërzisja mamin. Në një moment u hap pak dera dhe pashë mamin. “Të lutem mbylle derën”- i thashë infermieres. Nuk kam nxjerrë asnjë zë. Mjeku u habit. Ç’je ti kështu më tha. Edhe në këtë moment dhimbjesh mendon për mamin.”- ka treguar ajo.
