December 23, 2017

North ka bërë gjithçka gati për motrën e vogël!

Familja West-Kardashian janë duke kaluar periudhën më të bukur të vitit jo vetëm për shkak të festave por edhe sepse për pak javë vjen në jetë fëmija e tyre e tretë.

Siç dihet tashmë, fëmija do të vijë në jetë në mënyrë surrogate ndërkohë që Kim ka zbuluar pa dashur gjininë e foshnjes në “The Ellen DeGeneres Show”.

Çdo gjë është bërë gati, dhoma e vogëlushes, rrobat e saj dhe të gjitha detajet e tjera, ajo çfarë ende nuk po vendoset, është emri.

4-vjeçarja North është në qiellin e 7-të dhe pret me padurim mbërritjen në shtëpi të motrës së saj. Ajo ka ndihmuar prindërit në dekorimin e dhomës së bebes, ka shkruar vjersha për t’ja recituar madje po mendohet edhe për emrin.

Kim ka treguar se North është shumë e emocionuar dhe në çdo moment të ditës e gjen vajzën e saj duke menduar emra të ri për t’ja vendosur motrës që do të lindë në janar.