Pas problemeve shëndetësore, çifti i njohur bekohen me një djalë

Heidi Montag dhe Spencer Pratt janë bërë prindër për herë të dytë. Heidi lindi një djalë mëngjesin e 17 Nëntorit, raportojnë mediat e huaja. Sipas përfaqësuesit të çiftit, Heidi dhe i porsalinduri gëzojnë shëndet të plotë. Dyshja janë gjithashtu prindër të një djali 5 vjeçar me emrin Gunner.

Montag dhe Pratt njoftuan se po prisnin një tjetër në qershor ndërsa konfirmuan se ishte djalë. Në të njëjtin muaj, Montag postoi një mesazh për Ditën e Babait, duke shkruar: “Fëmijët tanë janë kaq të bekuar që kanë një baba kaq të mrekullueshëm autentik, të fortë, qesharak, të zgjuar dhe të dashur.”

Shtatzënia e saj e dytë po pritej prej kohësh, pasi ajo iu nënshtrua një ndërhyrjeje kirurgjikale në gusht 2021 për të rritur shanset e çiftit për të mbetur shtatzënë përsëri.

Çifti zbuloi se fryti i përpjekjeve të tyre u pa në fillim të këtij viti kur Montag u tha fansave se ajo ishte në pritje të një fëmije të dytë me Pratt, me të cilin është e martuar prej 14 vitesh.

Thjesht ndjeva sikur diçka mungonte”, shkroi këngëtarja e “Body Language” në një postim në Instagram në atë kohë. “Ndihesha sikur në familjen tonë mungonte një person për të cilin kisha këtë dashuri të madhe.”

Montag vuri në dukje se ajo filloi “të qante në mënyrë histerike” kur pa fjalën “shtatzënë” në testin e saj.