Për të gjithë prindërit: Si t’ua shpjegojmë fëmijëve vdekjen e një prej gjyshërve?

Vdekja e një anëtari të ngushtë të familjes mund të jetë jashtëzakonisht shqetësuese për të gjithë. Sa për fëmijët e vegjël në shtëpi, ata do të humbasin jo vetëm gjyshin e tyre të dashur, por kjo mund të jetë gjithashtu përvoja e tyre e parë në përballjen me vdekjen e një personi të dashur.

Disa prindër përpiqen të mos i përfshijnë fëmijët e tyre në çështje të ndërlikuara si vdekja pasi fëmijët u duken shumë të vegjël dhe delikatë për të kuptuar këto gjëra. Megjithatë, duke u shpjeguar fëmijëve tuaj për vdekjen dhe duke u thënë atyre se është e dhimbshme, por është ok që të dhembë, në fakt mund të kontribuojë jashtëzakonisht shumë në zhvillimin emocional të fëmijës. Gjithashtu, kjo do t’u japë atyre mundësinë të “vajtojnë” për vdekjen e gjyshit të tyre, veçanërisht nëse ata kishin një marrëdhënie të dashur dhe të ngushtë me ta. Mbrojtja e tyre shumë nga ngjarja mund t’i bëjë më shumë konfuzë dhe t’ju shkaktojè trauma të tjera.

1.Shpjegojani fëmijës suaj ngjarjen e vdekjes me sinqeritet

Fëmija juaj mund të ndihet i tronditur duke ju parë të trishtuar ose duke qarë, ose nëse ndonjë anëtar tjetër i familjes ka të njëjtin reagim. Një mënyrë e shkëlqyer për t’u shpjeguar atyre situatën është duke emërtuar emocionet tuaja dhe duke u përpjekur të përqendroheni në aspektet pozitive. Psh mund t’i thoni “mami është e trishtuar tani dhe po qan por pasi të qaj do të ndihem shumë më mirë”.Ideja është të jeni të sinqertë dhe të qartë me fëmijët tuaj dhe ata do ta kuptojnë. Kjo do t’i përgatisë ata edhe për ditët e ardhshme të pikëllimit.

2.Flisni me qetësi

Duke qenë se të folurit për vdekjen mund të jetë një temë e vështirë, veçanërisht me fëmijët, përpiquni t’ua shpjegoni situatën në një mënyrë të qetë duke folur ngadalë. Mos nxitoni në bisedë dhe jini mjaft të hapur për të marrë pyetjet e tyre dhe çdo dyshim që mund të kenë. Lejoni atyre kohën dhe hapësirën për t’u zhytur në informacione të reja dhe këto emocione të forta.

3.Përdorni një gjuhë të përshtatshme për moshën

Prindërit mund të priren t’i shpjegojnë në mënyrë indirekte situatën fëmijës që mund të përfundojë duke i ngatërruar ata. Pranoni se është e kuptueshme që ju të mos ndiheni rehat kur flisni për këtë, por është më mirë që fëmija ta dijë dhe ta kuptojë situatën. Ja një shembull i thjeshtë që mund të funksionojë : “Gjyshi ishte në spital sepse ishte shumë i sëmurë. Mjekët u përpoqën aq sa mundën për ta bërë atë më mirë, por sëmundja e tij u bë aq e rëndë sa gjyshit ia vështirësuan shumë frymëmarrjen. Mjekët u përpoqën ta ndihmonin të merrte frymë, por ata nuk mundën dhe kur ai ndaloi frymëmarrjen, vdiq.”

4.Largoni frikën e tyre

Dëshmia e vdekjes së gjyshit të tyre mund ta trondisë një fëmijë nga frika. Një nga mendimet e zakonshme që mund të shqetësojë të vegjlit është se ata mund të humbasin edhe prindërit e tyre. Sigurojini që një gjë e tillë nuk do të ndodhë dhe fëmijët nuk do t’ju humbin. Tregojini fëmijës tuaj se shumica e njerëzve nuk vdesin derisa të jenë shumë të moshuar. Mundohuni ta qetësoni situatën për fëmijën tuaj. Ju gjithashtu mund t’u siguroni atyre shpërqendrime të lumtura dhe ngushëlluese, si të shikojnë TV ose të hanë diçka të shijshme ose të shkojnë në shtëpinë e një shoku.

5.Pranoni procesin e tyre të pikëllimit

Nuk ka asnjë mënyrë të drejtë apo të gabuar të pikëllimit, veçanërisht për dikë që po e përjeton atë për herë të parë. Lërini fëmijës tuaj hapësirën të ndiejë atë që ndjen dhe jini pranë tij sa herë që ka nevojë për ju. Bëjini ata të ndiejnë se ju po e kaloni këtë së bashku. Mundohuni të mos i lini vetëm ata, pasi mund të tremben ose të vetmohen me idenë e vdekjes së gjyshit dhe të zisë në shtëpi. Duke siguruar të gjitha këto pika, fëmija juaj do të jetë në gjendje të menaxhojë më mirë emocionet e tij dhe veten në situata të tilla të dhimbshme ose tronditëse në të ardhmen.