Princi George, Louis dhe princesha Charlotte tashmë kanë një mbiemër të ri, por pse?

Pas vdekjes së Mbretëreshës Elizabeth II të enjten, më 8 shtator, një sërë ndryshimesh të mëdha dhe të vogla kanë hyrë në fuqi brenda monarkisë britanike. Midis këtyre ndryshimeve, Duka dhe Dukesha e Cambridge, princi William dhe Kate Middleton, morën tituj të rinj, duke u bërë Princi dhe Princesha e Uellsit përveç Dukës dhe Dukeshës së Cornwall. Prandaj edhe fëmijët e çiftit marrin tituj të rinj.

Princi George, 9 vjeç, Princesha Charlotte, 7 vjeç dhe Princi Louis, 4 vjeç, më parë quheshin “Cambridges” në përputhje me titujt e prindërve të tyre. Pasi mbreti Charles i dha titujt e Uellsit William dhe Kate të premten, fëmijët tani do të njihen si “fëmijët e Uellsit” – ose, më formalisht, Princi George i Uellsit, Princesha Charlotte e Uellsit dhe Princi Louis i Uellsit.

Sipas Harper’s Bazaar, ndryshimet e titullit ndikojnë jo vetëm në titujt zyrtarë të fëmijëve në faqen e internetit të Royals, por edhe për mënyrën si atyre u referoheshin në shkolla. Nëse më parë quheshin George Cambridge, Charlotte Cambridge dhe Louis Cambridge, tani do të quhen George Wales, Charlotte Wales dhe Louis Wales.