Publikohet video: Khloe sjell në jetë të bijën, 1 ditë pas skandalit të tradhëtisë

Nëse menduat se sherri mes Kim dhe Kourtney, ishte debati i vetëm që do të shihnim këtë sezon në “Keepin Up With The Kardashian”, bëni gati kokoshkat se ka shumë më shumë se kaq!

Në klipin e publikuar disa minuta më parë, familja e famshme debaton si kurrë më parë.

Khloe Kardashian bëhet gati për të sjellë në jetë vajzën e saj True Thompson, disa ditë pasi u bë publike video e tradhëtisë së partnerit të saj, Tristan. Khloe shfaqet e qetë dhe duket se po mendon vetëm për të bijën.

“Duhet të qetësohem dhe të vë në kontroll, ato gjëra që mund t’i kontrolloj” – tregon Khloe.

E shtrirë në krevatin e spitalit, i vetmi shqetësim që ka KoKo është që familja e saj të jetë e pranishme.

“Shpresoj që të gjithë të vijnë këtu në kohë” – shprehet Khloe.

Ndërkohë që drama mes Kim dhe Kourtney nuk ka përfunduar dhe dy motrat shfaqen duke u zënë rrugës për në spital.

Nga ana tjetër, Kim Kardashian mbron të shoqin nga të gjithë ata që e kanë cilësuar si të sëmurë mendor.

“Vetëm sepse ka një mendim, nuk do të thotë se është i sëmurë mendor,” – përfundoi Kim Kardashian.

Ndiqni më poshtë klipin: