Rrëfimi rrëqethës i të miturës: Nëna s’ma tregon kur kam ditëlindjen, e fsheh se s’mund të më blejë gjë

Në emisionin “Shqiptarët për shqiptarët” u transmetua historia e një vajze nga Rrësheni. Ajo quhet Jonida dhe jeta e saj ka qenë e mbushur me shumë vështirësi, pasi është jetime. Ajo s’ka festuar kurrë një ditëlindje dhe s’ka shijuar dot kurrë kënaqësinë e një torte me qirinj, pasi e ëma nuk ka mundësitë e duhura për t’ia plotësuar kushtet.

Mes lotësh, Jonida tha:

Kurrë nuk kam festuar asnjë ditëlindje si gjithë të tjerët, kurrë, vetëm kur më kanë ftuar unë thosha po unë do kem ndonjë dhuratë ndonjë tortë, të paktën të isha dhe unë si fëmijët e tjerë, nuk e festojmë dot, vetëm bukë të përditshme kemi. Mami ma fsheh nuk ma tregon, ajo nuk ka mundësitë e duhura, ishte në vështirësi, për ne për vete, nuk e shikoja dot ashtu duke qarë.