Samuel Eto’o rrezikon burgun, e denoncoi e bija 22-vjeçare. E pabesueshme çfarë paska ndodhur…

Samuel Eto’o është në telashe dhe mund të shkojë në burg. Erica do Rosario Nieves (22 vjeçe), e njohur ligjërisht si vajza e ish-futbollistit të Interit nga një vendim gjykate i vitit 2022, ka vendosur të nisë një betejë të re ligjore kundër babait të saj për detyrimet e papaguara karshi saj për mirërritjen.

Lajmi është bërë i ditur nga “Mundo Deportivo”. Sipas asaj që mësohet, e reja, e cila duhej të merrte 1400 euro në muaj “pension”, sipas përcaktimit të gjyqtarit të çështjes, ka vendosur ta padisë të atin biologjik, pasi nuk e konsideron shumën të drejtë. Madje jo vetëm kaq, por shuma e rënë dakord nuk i është paguar kurrë të resë.

Pra, për këtë arsye Eto’o është paditur sërish nga e bija, që s’e ka pranuar kurrë si të tillë, sepse nuk ka respektuar marrëveshjen. Arsyet pse Erica ka vendosur ta denoncojë dhe të kërkojë tashmë dënim me burg për të atin i zbulon avokati i saj: “Samuel i detyrohet vajzës së tij më shumë se 5 vite “pension” dhe vazhdon të sfidojë drejtësinë. Ekonomia e Erica është e pasigurt, ndërsa Eto’o jeton në luks”.

Sipas “El Diario de Sevilla”, shifra që duhet t’i paguajë ish-sulmuesi kamerunas vajzës së tij ka shkuar në rreth 90 mijë euro. Në të kaluarën, ish-futbollisti ka treguar bujari të madhe jashtë fushës. Në vitin 2021 i dhuroi Kamerunit 10 ambulanca për të luftuar urgjencën për shkak të koronavirusit.

Në përmbledhjen e përgatitur nga avokati ekspozohen edhe rekordet e ndryshme penale të ish-futbollistit afrikan. Kujtojmë se Eto’o tashmë është dënuar me një vit e 10 muaj burg për një kundërvajtje tatimore në territorin spanjoll dhe gjobë financiare për mospagimin e ushqimit të një vajze tjetër të lindur jashtë martese.

Pas katër vitesh beteje, Érica do Rosario, e cila u regjistrua si Erica Eto’o Do Rosario, u shpall më në fund si vajza biologjike e Samuel Eto’o. Vendimi gjyqësor erdhi në vitin 2022, pas refuzimeve të shumta nga ish-sulmuesi kamerunas për t’iu nënshtruar testeve të ADN-së.

Gjyqtari më vonë caktoi një ‘pension’ prej 1.400 € në muaj për vajzën e re, gjë që nuk u krye kurrë. Sipas “Dario AS”, vajza e Eto’o, Erica do Rosario Nievers, lindi në vitin 1999 në spitalin “Alarcón Foundation” në Madrid për shkak të një lidhjeje mes kamerunasit dhe një gruaje të njohur si Adileusa do Rosario.