Shkëputet nga era e fortë suvaja e shkollës 9-vjeçare ‘Papa Kristo Negovani’ në Ersekë! Ishte rikonstruktuar në 2018 dhe kushtoi mbi 68 mln lekë

Era e fortë që ka përfshirë juglindjen e vendit ka shkëputur një pjesë të fasadës në shkollën 9-vjeçare të Ersekës.

Bëhet me dije se janë shkëputu materialet termoizoluese në shkollën 9- vjeçare ‘Papa Kristo Negovani’ në qytetin e Ersekës. Fatmirësisht ka vetëm dëme materiale.

Ngjarja ka ndodhur rreth orës 13:20 kur procesi mësimor kishte përfunduar. Pjesa e suvatimit është shkëputur nga ana ku nuk përdorej për kalim nga nxënësit. Rikonstruktimi i kësaj shkolle është kryer nga mesi i vitit 2018 sipas burimeve nga DRAP.

Pritet që ditën e nesërme të fillojë dhe riparimi i fasadës së prishur. Kompania e cila ka fituar tenderin për të kryer punimet është kompania ‘Kthella SHPK’. Punimet kanë kushtuar mbi 68 milionë lekë.