Shkolla e saj e parë nderon Dua Lipën me këtë rutinë të ëmbël të çdo dite

Shkolla ku Dua Lipa ka ndjekur mësimet po e nderon ish-nxënësen duke vënë këngën e saj çdo mëngjes për nxënësit e shkollës.

Dua Lipa, që është shndërruar në një yll të pop-it ndërkombëtar, është një ish-nxënëse në shkollën fillore të Fitzjohn-it në Hampstead.

“New Rules” e këngëtares 22-vjeçare tani luhet çdo ditë në sesionin e përditshëm “Wake Up Shake Up”, që organizohet për fëmijët më të vegjël në fillim të ditës. Ideja e sesionit është që përmes vallëzimit dhe këngës të aktivizohen nxënësit pasi që të mbërrijnë në shkollë, që në këtë mënyrë ata mund të jenë më të përqendruar për orët mësimore.