Shtatzënia: Stresi ndikon në aftësinë e fetusit për të absorbuar hekurin, zbulon studimi i ri

Nëse një grua përjeton stres kronik më vonë në shtatzëninë e saj, kjo mund të ndikojë në aftësinë e fetusit për të absorbuar hekurin deri në 15%, sipas një hulumtimi të udhëhequr nga studiuesit e UW Medicine në Seattle.

Në një studim të qershorit të botuar në ‘Scientific Reports’, shkencëtarët nga UW Medicine, Duke University, Gjermania dhe Argjentina zbuluan se kërkesat për hekur në tremujorin e dytë dhe të tretë tek gratë shtatzëna mund të rriten tetëfish, por se marrja e hekurit tek fetuset mund të zvogëlohet me aq shumë sa 15% tek gratë që përjetojnë stres kronik.

Mes tjerash, efektet e mungesës së hekurit janë më të dukshme tek fetuset meshkuj, raportuan hetuesit – shkruan MedicalxPress përcjell Gazeta Shneta.

Nisur nga kjo, gratë shtatzëna duhet të monitorojnë nivelet e tyre të stresit dhe të përpiqen të reduktojnë atë përmes teknikave të relaksimit.

“Nëse stresi kronik vazhdon, merrni parasysh suplementet e hekurit dhe monitoroni nivelin e hekurit tek të porsalindurit”, tha Dr. Martin Frasch, një nga autorët kryesorë dhe asistent profesor i obstetrikës dhe gjinekologjisë në Universitetin e Uashingtonit.

Studimi ndoqi 164 gra shtatzëna në Gjermani që u identifikuan si të stresuara ose jo të stresuara. Marrja e hekurit nga fetusi i këtyre grave u krahasua me atë të një grupi kontrolli. Parametrat e hekurit të gjakut të kordonit të fetusit të 107 pacienteve u matën në lindje.

Dr. Frasch sqaroi se fetuset zakonisht janë të fortë ndaj ndryshimeve të moderuara në hekurin e nënës.

“Ajo që ne vërejmë këtu është se në kushtet e stresit kronik të nënës, fetuset meshkuj janë më pak të fortë në rregullimin e shëndetit të tyre të hekurit sesa fetuset femra – dhe ne e dimë se kjo mund të ketë pasoja për zhvillimin e tyre nervor pas lindjes,” tha ai.