Shtrohet në klinikën private, 7-vjeçarja shqiptare vdes nga mbidoza e anestezisë

Një ngjarje e rëndë është regjistruar sot në Prishtinë. Një vazjë 7 vjeçare ka ndërruar jetë. Mësohet se viktima kishte shkuar në një klinikë private për të bërë një rezonancë magnetike të kokës, ndërsa ka ndërruar jetë nga mbidoza e anestezionit.

Vajza është dërguar në një Klinikë private në lagjen Ulpiana për të bërë rezonancën magnetike. Ajo ka vdekur si pasojë e mbidozës së anestezionit. I kanë dhënë fillimisht por gjatë kohës që ka qenë duke e bërë rezonancën ajo është zgjuar dhe pastaj i kanë dhënë mbidozë.

Kështu ka rrëfyer për mediat xhaxhai i vajzës.

Vdekja e saj është konfirmuar edhe nga zëdhënësja e policisë për rajonin e Prishtinës, Flora Ahmeti, e cila ka thënë se rasti po cilësohet si “Vdekje e dyshimtë”. Ndërsa tha se ngjarja do të hetohet:

Sot në stacionin policor jugu në Prishtinë është hapur një rast Vdekje e dyshimtë. Viktimë në këtë rast është një femër (e mitur). Aktualisht hetuesit policor në koordinim me prokurorinë përkatëse janë duke punuar për të sqaruar të gjitha rrethanat që lidhen me rastin, ndërkohë që me urdhër të prokurorit trupi i viktimës është dërguar në morg për t’u kryer autopsia dhe zbardhur shkaqet e vdekjes. /JOQ