Si u arratisa nga kthetrat e Hamasit dhe shpëtova fëmijët e fqinjës sime të zhdukur!
Kalvari i Avital nga Kibbutz Holit, pranë kufirit me Gazën, ishte i gjatë dhe një skenë ku në çdo çast shihte vdekjen me sy, derisa ajo arriti në një vend të sigurt. Ajo u arratis nga terroristët me një foshnjë dhe një vajzë të vogël në krahë, fëmijë të fqinjëve të saj që me siguri mbahen peng nga terroristët e Hamasit. Por që la pas një fqinj që mori një breshëri plumbash.
Avital Alajem foli për Channel 12 të Izraelit për atë që ndodhi mesditën e së shtunës në kibbutz, rreth dy kilometra larg Gazës, kur terroristët sulmuan festivalin. Nga vendi ku u fsheh, Avital po i dërgonte mesazhe fqinjës së saj, 33-vjeçares Andi Vital-Kaplun, e cila është izraelite dhe kanadeze. Terroristët e gjetën fqinjin e fshehur me Avitalin dhe e vranë. Më pas e gjetën edhe atë dhe e nxorën zvarrë nga dhoma ku fshihej, përcjell dritare.net
Pastaj terroristët morën fëmijët e fqinjëve, dy vajza të vogla 4 vjeç dhe 4.5 muaj, Negev dhe Essel, dhe i çuan të tria në Gaza. “Po na çonin shtëpi më shtëpi me armë zjarri, pasi dogjën shtëpitë dhe makinat, “Shpejt, shpejt!”, thoshin ata.
Një nga terroristët mbante mbi supe fëmijën 4-vjeçar që bërtiste dhe foshnjën Avital. Ata i çuan të tria në gardhin rreth kibucit dhe më pas në Rripin e Gazës. Por më pas i lanë të qëndrojnë më vete. Avital mori vendimin për t’u kthyer me fëmijët në kibuc, një rrugë e vështirë, sepse ajo duhej të fshihej gjatë gjithë kohës në dunat e rërës dhe sepse njerëz të armatosur të Hamasit po ecnin përreth. Kur ata hynë në kibuc, Avital pa fqinjët që po largoheshin me makinat e tyre. Ajo i tha vajzës së vogël se do ta shihte së shpejti babanë e saj dhe me të vërtetë e gjetën përsëri në komunitetin e afërt të Gullot. Gjurmët e nënës së fëmijëve, Andit, kanë humbur edhe sot e kësaj dite. Vajzat e vogla përveç disa plagëve me predha në këmbë nuk kanë lëndime fizike.
Kur u pyet pse nuk i vranë, Avital u përgjigj se, sipas saj, personat e armatosur ishin “të lodhur nga gjithë ky tërbim vrastar”…
