Tani ekziston testi që zbulon lindjen e parakohshme

Shkencëtarët po testojnë një test gjaku që mund të parashikojë nëse një grua shtatzënë do të lindë para kohe.

Rezultatet paraprake, të publikuara në revistën Science, sugjerojnë se është e saktë në deri 80% të grave me rrezik të lartë. Ekipi nga Universiteti i Stanfordit, në SHBA, thotë se është po aq i saktë sa skanerat që parashikojnë datën e lindjes.

Megjithatë, ende ka shumë punë për t’u bërë para se të mund të përdoret në mënyrë klinike.

Testi mat aktivitetin e materialit gjenetik, i quajtur ARN, që vjen nga fetusi, placenta dhe nëna e që përfundon në gjak.

Hulumtuesit filluan duke marrë mostra të gjakut nga gratë shtatzëna çdo javë për të parë se si ndryshuan nivelet e ARN të ndryshme gjatë shtatzënisë dhe të cilat mund të përdoreshin për të parashikuar moshën gestationale ose lindjen e parakohshme.

Testi i gjakut ishte i saktë 45% të kohës në parashikimin e moshës gestationale në eksperimentet ku u përfshinë 38 gra.

Testi u përdor gjithashtu për të parashikuar lindjen e parakohshme deri në dy muaj përpara fillimit të kontraktimeve.