Tragjike: Aktori shqiptar i jep fund jetës së tij dhe të bashkëshortes shtatzënë, lënë pas dy fëmijë
Aktori shqiptar Florind Belliu, 35-vjeç, i ka dhënë tragjikisht fund jetës së bashkëshortes së tij Ornelës, e më pas edhe vetes.
Ai ka hedhur nga ballkoni partneren e tij 28-vjeçare, në apartamentin ku jetonin prej vitesh në New York.
Pasi ka hedhur bashkëshorten, 35-vjeçari është hedhur edhe vetë pas saj, duke mbetur të dy të vdekur në vend. Ata kanë rënë nga kati i gjashtë i banesës.
Florindi festonte ditëlindjen e tij dhe mësohet se pas një debati që kishin pasur, ishte konfliktuar fizikisht me partneren, të cilën edhe e ka hedhur nga ballkoni.
Sipas “New York Post”, ngjarja ka nodhur një ditë më parë, rreth orës 09:15, kur trupat e dy të rinjve u gjetën të vdekur nga polica vendase.
Çfarë e bën më tragjike ngjarjen është fakti që ata ishin prindër të dy fëmijëve që lanë pas, 6 dhe 2 vjeç, si dhe Ornela ishte shtatzënë me fëmijën e tyre të tretë.
Në Shqipëri, Belliu ka qenë aktor, ndërsa përmes kërkimeve në internet rezulton se në New York ka punuar në një agjenci të shitjes së pasurive të patundshme.
Burri “mund të ketë pasur një problem të shëndetit mendor” që nxiti incidentin, tha një burim policor për The Post.
“Dëgjova disa zhurma, pastaj pashë jashtë dhe vura re dy trupa,” tha një banor i habitur i ndërtesës Cruger Avenue, i cili nuk pranoi të jepte emrin e tij. “Mund të thuash se kanë vdekur. Unë u trondita. Kishte shumë gjak.”
Një prej fqinjëve shprehet se çiftin e ka parë gjithmonë bashkë dhe nuk kishte vënë asnjëherë re diçka që nuk shkonte. Por, shprehet se shpesh aktorin e shihte të zemëruar, ndërsa bashkëshortja e tij ishte e qetë.
“Mendova se mbase po ziheshin lart dhe ndoshta djali që po pastronte plehrat thirri policinë, pas pesë minutash erdhi policia”, tha Perkaj, duke shtuar se çifti ishte “shqiptar si ne. I kam parë gjithmonë duke blerë gjëra për shtëpinë, si çdo ditë së bashku, me dy fëmijë së bashku, nuk e kuptuam se kishte diçka që nuk shkonte.”
“Sot kishte ditëlindjen, më tha nëna e tij. Ai sapo foli me mamanë e tij në mëngjes”, tha Perkaj, duke shtuar se ishte ankuar se nuk mund të hapte dritaret e banesës së tij.
Një punonjës ndërtimi, Harold Johnson tha se është takuar me çiftin rreth orës 22:30 të së premtes dhe e pyeti nëse gjithçka ishte në rregull. Johnson tregon se përpara se çifti të transferohej në pallat, aktori kishte kërkuar që të hiqte kangjellat e dritareve, por Johnson i kishte thënë se nuk mund ta bënte pasi kishte fëmijë të vegjël.
“Unë pashë që sytë e tij ishin vërtet të zmadhuar, sikur ishte i zemëruar, dhe nuk më është përgjigjur, ai vetëm tërhoqi gruan e tij dhe vazhdoi. Dhe kjo ishte ajo, “tha Johnson.
