Vajza e Bill Gates bën vaksinën anti-Covid. Pse u lejua pa radhë dhe batuta për teoritë konspirative

Vajza e Bill Gates, Jennifer Gates është ndër ata që këtë javë bënë vaksinën me dozën e parë anti-koronavirusit. Jennifer Gates është studente e mjekësisë në vitin e dytë, e cila ndjek studimet në Shkollën e Mjekësisë Icahn të New York-ut në Mount Sinai. Shkolla ku ajo ndjek mësimin e përfshin atë në kategoritë që mund të bëjnë ndër të parët vaksinën.

Në një postim në Instagram të premten e kaluar, Jennifer shkruante: Jam më se e privilegjuar për marrjen e dozës së parë të vaksinës, qelizat e mia do të krijojnë një përgjigje imune mbrojtëse ndaj këtij virusi. Si një studente e mjekësisë dhe mjeke aspiruese, jam mirënjohëse që do të kem mbrojtje dhe siguri për praktikën time të ardhshme.

Miliarderi Bill Gates ka investuar lidhur me kërkimet për vaksinat, por ai është bërë pjesë edhe e teorive konspirative. Sipas këtyre teorive, ai po kërkon të injektojë mikroçipa përmes vaksinave.

Vajza e tij Jennifer Gates nuk ka qëndruar indiferente ndaj teorive të tilla. Në rrjetet sociale ajo ka postuar një batutë ku thotë: ‘Vaksina nuk e implantoi babanë tim gjenial në trurin tim – sikur vetëm mARN ta kishte këtë fuqi’!

*Tiranapost.al