Vajza e Emina Çunmulaj vishet me kostum popullor dhe ju mëson miqve të huaj traditat shqiptare

Emina Çunmulaj nuk ka lënë rast pa treguar sa krenare është për origjinën e saj. Pavarësisht se është larguar shumë e re nga vendlindja, modelja shqiptare rikthehet herë pas here në Mal të Zi për të vizituar të afërmit e saj e për të ruajtur lidhjet me rrënjët. Ajo është nënë e 2 vajzave të vogla dhe sigurisht që edhe atyre është përpjekur t’ju mësojë sa më shumë nga kultura shqiptare.

Madje sot Emina ka zbuluar se vogëlushet e saj kanë mësuar traditat shqipatre dhe për me tepër kanë nisur që këtë gjë ta shpalosin edhe tek shokët e tyre të huaj. Modelja ka postuar në Instagram një video, ku vajza e saj e madhe shihet e veshur me një kostum tradicional të zonës së veriut.

“Malësorja e mamit! Duke iu mësuar miqve të saj në shkollë për kërcimet popullore shqiptare”, ka shkruar Çunmulaj përkrah videos.

Emina ka zbuluar më herët se ajo ka nisur të ndërtojë edhe një shtëpi në vendlindjen e saj për t’u rikthyer atje sa herë të ketë nevojë dhe dëshirë.