Vitin e kaluar humbi foshnjën tre ditëshe, foshnja e sapolindur diagnostikohet me leuçemi
Një nënë, djali i së cilës vdiq vitin e kaluar, tha se nuk mund ta kuptonte se si jeta mund të ishte kaq mizore pasi foshnja e saj një muajshe u diagnostifikua me leuçemi.
Djali i Sophie Kitcher, Huxley, vdiq korrikun e kaluar kur ai ishte vetëm tre ditësh.
34-vjeçares nga Ware në Hertfordshire, iu tha këtë javë se Ralphie një muajsh kishte leuçemi mieloide akute.
“Unë nuk e kuptoj se si jeta mund të jetë kaq mizore dhe fëmija im tani duhet të përballet me këtë,” tha ajo.
Miqtë e saj kanë krijuar një faqe GoFundMe për të ndihmuar në pagesën e akomodimit të tyre pasi Ralphie do ti nënshtrohet kimioterapisë për pesë muajt e ardhshëm në spitalin Great Ormond Street në Londër, raporton BBC.
Sipas mjekëve Ralphie ka 30% mundësi për të mbijetuar, tha ajo.
“Nëse nuk kemi kaluar nëpër ferr dhe jemi kthyer përsëri ja ku jemi, djali ynë i bukur, i dashur si ylberi është diagnostikuar me leuçemi”, shkroi ajo në Instagram.
“Ralfi, ti je qëllimi ynë dhe arsyeja që ne të dy jemi ende këtu sot duke luftuar për ty, me vëllanë tënd që na shikon.”
“Ju lutemi të gjithëve që të luteni për ne, mamaja dhe babi janë krejtësisht të copëtuar. Si mund të ndodhë kjo, ti je kaq perfekt.”
Djali i saj Huxley u diagnostikua me sindromën Doën korrikun e kaluar dhe vdiq gjatë operacionit për të mbyllur një vrimë në zorrën e tij.
Ralphie lindi më 5 tetor në Spitalin Princesha Alexandra në Harloë. Atij iu dha emri i mesëm Leo në kujtim të vëllait të tij të madh, i cili lindi nën shenjën e yllit.
Sophie Kitcher shprehet se Ralphie kishte ardhur për të “ndihmuar në shërimin e zemrave të thyera të mamasë dhe babit” dhe i kishte bërë ata të buzëqeshnin përsëri.
Një mik krijoi faqen e mbledhjes së fondeve për të ndihmuar familjen, sepse spitali lejoi vetëm një prind të qëndronte atje në të njëjtën kohë.
Ajo ka mbledhur më shumë se 50,000 £ deri më tani, gjë që do ta ndihmonte familjen të jetë bashkë gjatë një periudhe jashtëzakonisht të vështirë, raporton BBC.
