Ylli i muzikës me famë botërore është në pritje të fëmijës së saj të parë

Leona Lewis është në pritje të fëmijës së saj të parë me bashkëshortin, Dennis Jauch. Burimet për gazetën britanike “The Sun” janë shprehur se këngëtarja 36-vjeçare pritet të shpallë publikisht shtatzëninë këtë muaj. Leona u bë një emër i njohur pasi fitoi X Factor në 2006.

“Leona dhe Dennis” mezi po mirëpresin ardhjen e tyre të re dhe të bëhen një familje prej tre anëtarësh.” Fituesja e “X Factor” u martua me koreografin Dennis në një ceremoni luksoze në Toskana të Italisë, në vitin 2019 pas 10 vitesh lidhje.

Leona ka ndërtuar një karrierë të suksesshme në muzikë pasi fitoi X Factor. Pas publikimit të pesë albumeve të suksesshme, Leona është nominuar për tre çmime Grammy dhe shtatë Brit Awards, duke shitur mbi 35 milionë disqe në mbarë botën.