10 vite dashuri, një vajzë dhe ende nuk janë martuar, Albani dhe Miriam drejt hapit të madh

Alban Skënderaj dhe Miriam Cani kanë 10 vite dashuri së bashku. Nga kjo dashuri ata kanë sjellë në jetë edhe vajzën e tyre Ameli, por ata nuk janë të martuar. Miriam Cani e ftuar mëngjesin e sotëm në emisionin “Wake Up” ka rrëfyer arsyet pse ajo dhe Albani nuk kanë vendosur ende të bëjnë një dasëm.

“Në fakt, e kemi diskutuar shumë herë gjatë këtyre viteve. Por në radhë të parë, duhet të gjejmë kohën, sepse kemi patur shumë angazhime gjatë këtyre dy viteve. 
Ne jemi edhe tipa të tërhequr, nuk jemi shumë për të krijuar gjithë këtë zhurmë.”, u shpreh ajo.

Ajo vijoi duke thënë se ende nuk i ka ardhur natyrshëm të bëjnë një dasëm, por edhe kur ta bëjnë nuk do ndryshojë asgjë në marrëdhënien e tyre.

Miriam zbuloi se dasëm do të ketë patjetër, por është thjesht çështje kohe.

“Një gjë është e sigurt: një ditë do të bëhet. Por nuk na ka ardhur akoma ajo ndjesia, pra që të vijë natyrshëm. Në jetën tonë private, nuk na ndikon fare”.

Share With:
Translate »
739 Views