25 fëmijë në një makinë, të ngjeshur nga sediljet deri në bagazh, Policia ndalon drejtoreshën e kopshtit

E pazakontë është ajo çka shfaqet në fotot e mëposhtme! Në një makinë të vogël, familjare, ku normalisht do duhet të ishin vetëm 4 pasagjerë, drejtoresha e një kopshti ka vendosur të fusë 25 fëmijë.

 

Ky rast është parë në rajonin e Bukhara-s në Uzbekistan, kur një drejtoresha në fjalë transportoi të vegjlit me një Chevrolet Spark.

Sipas BILD “Udhëtimi i tyre duhej të ndërpritej, pasi kështu rrezikohej mirëqenia e fëmijëve. Tre fëmijë ishin në bagazh, gjashtë në sediljen e përparme dhe 16 të fundit ishin shpërndarë në çdo hapësirë të mbetur të sediljeve të pasme.

Ndonëse ende nuk është qartë se me çfarë pasojash mund të përballet drejtoresha e kopshtit, ajo ka tentuar të shpjegohet para autoriteteve për aktin e saj”.  Policia ka ndaluar drejtoreshen e kopshtit dhe e ka çuar ate per ndjekje penale.