Derrkucja Peppa vë në lojë Kanye West

Kjo mund të jetë grindja e vitit: personazhi i dashur vizatimor Peppa Pig (Derrkucja Peppa) është tallur publikisht me Kanye West. Arsyeja? Albumi muzikor i Peppa ka marrë një vlerësim më të lartë se sa ai i Kanye në uebfaqen kritike të muzikës, “Pitchfork”.

Albumi “Donda” për të cilin Kanye shtyu datën e publikimit disa herë dhe organizoi evente në stadium, ka një vlerësim prej 6.0 nga 10 në këtë faqe. Ndërkohë, “Aventurat e Pepës: Albumi” është vlerësuar me 6.5.

Ndonëse Peppa është një personazh i pafajshëm dhe i preferuar për të vegjëlit, kjo nuk e ndaloi të të tallej pak me Kanye dhe albumin e tij më të ri.

“Peppa nuk pati nevojë të organizonte evente në stadiumin Mercedes-Benz që të merrte atë .5”, shkruhej në postimin e shoqëruar nga ikona e një mikrofoni dhe hunda e derrkucit.

Epo, “Donda” mund të ketë këngë si “Off The Grid”, por albumi i Peppa ka asin e saj nën mëngë, këngën ngjitëse “Birdy Birdy Woof Woof”.