Kjo për shkak se mjekët thonë se prindërit mund të jenë më të pajisur për të mbrojtur fëmijën e tyre të palindur dhe veten nga problemet e mundshme të shtatzënisë, shkruan Studyfinds.org përcjell Gazeta Shneta.
Foshnjat që janë biologjikisht meshkuj priren të kenë më shumë komplikime shtatzënie sesa vajzat, sepse rriten më shpejt dhe kanë nevojë për më shumë lëndë ushqyese ose oksigjen nga placenta.
“Tani po ndërtojmë gjithnjë e më shumë prova se çfarë duhet të matim tek nëna gjatë shtatzënisë si indeksi fillestar i masës trupore, rritja e saj, pesha gestacionale, por edhe duke marrë parasysh seksin e fetusit. Në mënyrë rutinore, klinicistët e konsiderojnë seksin kur shikojnë imazhet me ultratinguj, sepse seksi është një përcaktues i rëndësishëm se si po rritet fetusi,” thotë Amanda Sferruzzi-Perri.
Një në dhjetë gra kanë probleme të rrezikshme për jetën e shtatzënisë. Megjithatë, shumë nga këto kushte janë të trajtueshme nëse zbulohen në kohë.
“Shpesh prindërit nuk duan të dinë seksin e foshnjës, sepse duan që ajo të jetë një surprizë. Por në fakt njohja e seksit do të ndihmonte për të identifikuar nëse një shtatzëni mund të jetë në rrezik më të madh se një tjetër, sepse ne e dimë se disa kushte të shtatzënisë si pre-eklampsia dhe kufizimi i rritjes së fetusit mund të jenë më të përhapura tek gratë që mbajnë fëmijë meshkuj sesa femrat.”
Rezultatet e studimit aktual sugjerojnë se njohja e seksit mund të ketë përfitime shëndetësore gjatë gjithë jetës për foshnjën.
Studimi është publikuar në revistën ‘Biology of Reproduction’.
