Riatdhesohen nga Siria 9 fëmijë dhe 4 gra shqiptare

13 shqiptarë janë shpëtuar nga kampi i ISIS. 4 gra dhe 9 fëmijë i janë dorëzuar autoriteteve shqiptare dhe do të riatdhesohen. Lajmin e ka bërë me dije në Twitter, një zyrtar i lartë sirian Dr. Abdulkarim Omar.

“Më 27 Maj 2022, 13 shtetas shqiptarë (4 gra dhe 9 fëmijë) të familjeve të organizatës ISIS i janë dorëzuar një delegacioni zyrtar të qeverisë shqiptare, pas nënshkrimit të dokumentit zyrtar të dorëzimit ndërmjet AANES dhe Republikës së Shqipërisë”, ka shkruar ai.