Harry thotë se do të pajtohet me babain dhe vëllain e tij

Princi Harry po vazhdon të flasë në lidhje me përçarjen në familjen mbretërore britanike.

Në një intervistë të fundit ai shprehet se do të dëshironte të pajtohej me babanë (Mbretin Charles) dhe vëllain e tij(Princin William), teksa shton se ata nuk kanë treguar asnjë gatishmëri për të përfunduar konfliket.

Intervista nuk është publikuar ende, por në një klip paraprak të intervistës të lëshuar të hënën, Duka i Sussex dëgjohet të thotë: “Ata nuk kanë treguar absolutisht asnjë gatishmëri për t’u pajtuar’.

“Do të doja të pajtohesha me babanë dhe vëllanë tim”, tha ai në klipin e intervistës, e cila do të transmetohet më 8 janar.