Surprizëëëë! Lady Gaga bëhet nënë për herë të parë dhe fotografohet me beben

Këngëtarja amerikane Lady Gaga është bërë nënë për herë të parë, sipas raportimeve të mediave amerikane.

“Page Six” ka publikuar fotografi të Gaga-s dhe partnerit të saj, sipërmarrësit Michael Polansky, teksa shëtisnin me një foshnjë në Kaliforninë Veriore.

Lady Gaga, 40 vjeçe, dhe Polansky janë në një lidhje prej vitit 2020, ndërsa në vitin 2024 njoftuan fejesën e tyre. Çifti ka mbajtur larg publikut pjesën më të madhe të jetës private.

Deri tani, Gaga dhe Polansky nuk kanë bërë publike të dhëna për emrin, gjininë apo datën e lindjes së foshnjës. Sipas raportimeve, as përfaqësuesit e këngëtares nuk kanë dalë me një deklaratë zyrtare për lindjen.

Lady Gaga, emri i vërtetë i së cilës është Stefani Joanne Angelina Germanotta, ka folur më herët publikisht për dëshirën për t’u bërë nënë.

Sipas materialit të publikuar, në një intervistë të vitit 2025 ajo e cilësoi mëmësinë si “rolin e saj të ardhshëm të madh”.

Gaga dhe Polansky e nisën lidhjen në vitin 2020 dhe u fejuan katër vite më vonë. Raportimet e 12 shtatorit 2026 për foshnjën shënojnë herën e parë që mediat amerikane i paraqesin ata si prindër.