Zbardhet vrasja e familjes prej 8 antarësh, i vrau një prej tyre dhe kreu vetëvrasje
Një burrë 42-vjeçar qëlloi shtatë anëtarë të familjes së tij përpara se të vriste veten në shtetin amerikan të Utah, pasi gruaja e tij bëri kërkesë për divorc, tha policia.
Familja me tetë anëtarë u gjet e vdekur brenda një shtëpie rurale në Enoch City të mërkurën mbrëma gjatë një kontrolli të mirëqenies në pronë.
Policia thotë se viktimat përfshinin gruan e burrit, pesë fëmijët e tij dhe vjehrrën e tij.
Menaxheri i qytetit Rob Dotson tha se qyteti me rreth 8,000 banorë ishte në tronditje.
Në një konferencë shtypi të enjten, zyrtarët e qytetit thanë se shitësi 42-vjeçar i sigurimeve Michael Haight kishte hapur zjarr ndaj gruas së tij, 40-vjeçares Tausha, vjehrrës së tij 78-vjeçare Gail Earl dhe pesëve fëmijëve të tij përpara se të vriste veten.
Pesë fëmijët, emrat e të cilëve nuk u përmendën, përfshijnë tre vajza, 17, 12 dhe 7 vjeç dhe dy djem, 7 dhe 4 vjeç.
Menaxheri i Enoch City, Rob Dotson tha se trupat e tyre ishin zbuluar nga policia rreth orës 23:00 të mërkurën, pasi dikush raportoi se gruaja kishte humbur një takim të planifikuar, duke nxitur një kontroll të mirëqenies në shtëpinë e familjes.
Dotson tha se secila prej viktimave dukej se kishte pësuar një plagë me armë zjarri.
Zyrtarët konfirmuan gjithashtu se gruaja kishte bërë kërkesë për divorc më 21 dhjetor.
“Tausha ishte personi më i sjellshëm dhe bujar dhe ajo kurrë nuk tha asgjë të keqe për askënd,” tha Tina Brown, një mike e familjes për KSTU-TV, shkruan BBC.
