Performoi me flamurin serb, Vera Ora ka dy fjalë për Ritën: Më fal që…

Ditën e sotme të gjithë kanë folur për Rita Orën dhe veprimin e saj gjatë koncertit të fundit në Hungari, ku hodhi në krah flamurin serb.

I menjëhershëm ishte reagimi i përdoruesve të rrjeteve sociale të cilët sa e kritikuan dhe e mbështetën duke u shprehur se ia kanë dhënë me qëllim.

Pas reagimit të Ritës dhe pasi ujërat janë qetësuar pak, së fundmi diçka për të thënë për këtë ngjarje ka edhe Vera Ora, e ëma e këngëtares shqiptare.

“Më fal, të kam bërtitur shumë, por më ke bërë nervoze. Mos u trullo”-shkruan ajo duke etiketuar Ritën në Instagram.

Kujtojmë që në reagimin e saj Rita u shpreh se flamurin ia kishte dhënë një fans dhe nuk e kishte ditur se cilit shtet i përkiste. Ajo shtoi se është shqiptare krenare dhe se qëllimi i saj nuk ishte mos respektimi ndaj popullit tonë.