Ishte raportuar e zhdukur, 41-vjeçarja shqiptare u vra nga bashkëshorti grek natën e Vitit të Ri; rezulton 3 muaj shtatzënë

Një ngjarje e rëndë ka ndodhur në Greqi ku dyshohet se një shtetase shqiptare e zhdukur prej dhjetorit të vitit të kaluar, mund të jetë vrarë nga bashkëshorti i saj.

Sipas mediave greke, 41-vjeçarja Gjeorgjia Murajtaj mund të jetë vrarë nga duart e partnerit të saj. Për vrasjen e saj është arrestuar partneri dhe një nga miqtë e tij.

Sipas burimeve, gjurmët e gishtave të burrit u gjetën brenda shtëpisë, ndërsa autoritetet e thirrën për të deklaruar ndërsa ai shpërtheu i revoltuar teksa pranoi se vrau dhe më pas e çoi në një zonë të izoluar në Halkidiki.

Sipas informacioneve, trupi i gruas fatkeqe është gjetur në një bagazh në një pjesë të thellë të Nea Triglia, Halkidiki.

Policia e Semanias kontrolloi makinën e mikut të tij me të cilin dy burrat dyshohet se transportuan trupin. Në këtë moment janë bërë dy arrestimet në Selanik.

Koha e vdekjes së Gjeorgjia Murataj vendoset ose në natën e Vitit të Ri ose në orët e para të mëngjesit.

41-vjeçarja kishte një vajzë 13-vjeçare dhe ishte në muajin e tretë të shtatzënisë.

Që në momentin e parë partneri i saj u përpoq të largonte çdo dyshim duke pretenduar se 41-vjeçarja i kishte lënë një mesazh para se ajo të zhdukej. Madje, ai vetë ka pohuar se ka bashkëpunuar me hetimet e autoriteteve dhe në çdo rast ka theksuar se nuk ka pasur asnjë përfshirje në këtë rast.

Autoritetet tashmë i kishin konfiskuar dhe po kontrollonin celularin e burrit, Akisit, ndërsa duke zbuluar edhe detaje për dhunë fizike në të shkuarën.

Ai vetë, në përpjekje për të çorientuar veten, ka bërë një denoncim për një vjedhje në banesën ku jetonte me Gjeorgjinë, pas hetimit të autoriteteve.

Ngjarja nisi të zbërthehej kur policia vendosi një përgjues në mesazhet që 41-vjeçarja dyshohet se i dërgonte partnerit dhe nënës së saj pak para se ajo të zhdukej. Kjo do të thotë, nëse mesazhet janë dërguar me të vërtetë, ato janë dërguar nga ajo ose personi i përfshirë në zhdukjen e saj.

Në një nga mesazhet drejtuar partnerit të saj, gruaja e tre muajshe shtatzënë shfaqet duke kërkuar falje për marrjen e 5 mijë eurove nga shtëpia e tij.

Por siç thonë të afërmit e saj, si stili ashtu edhe shkrimi i mesazhit nuk të kujtojnë Gjeorgjinë, duke shtuar se ajo vetë nuk do të merrte kurrë një shumë kaq të madhe parash.