Gent Zenelaj: Momenti më i trishtuar në 2017-ën ishte ditëlindja e vajzës sime

Gent Zenelaj ka qenë një nga personazhet e ftuar në emisionin “Thumb” ku ka treguar se si është atmosfera në familjen e tij në festat e  fundvitit. Moderatori i “Stop” rrëfeu se viti 2017 ka qenë i suksesshëm për të por sic ka patur momente të bukura ka patur edhe nga ato situata që i kanë dhënë trishtim.

Genti rrëfeu se është ndjerë vërtet keq ku për pasojë të punës, shfaqje në Durrës nuk ka mundur të arrijë në kohë për ditëlindjen e vajzës së tij.

“Isha në Durrës me shfaqje, salla ishte e mbushur plot. Kur mbërrita pas shfaqjes edhe pse isha duke ecur si i cmendur nuk arrita dot në kohë. Tashmë torta e ditëlindjes ishte prerë, ajo ishte ditë shumë e rëndësishme për të. Por gjithsesi ne të nesërmen blemë një tortë dhe i bëmë të gjitha zakonet nga fillimi.”- u shpreh Genti.