Prindërit shpenzojnë paratë e vajzës së sëmurë për jetë luksoze

Një çift në Spanjë, i cili mori shuma të mëdha parash për të shpëtuar jetën e vajzës së tyre të sëmurë, është burgosur për përdorimin e parave për të siguruar jetesën e tyre në vend.

Fernando Blanco dhe gruaja e tij Margarita Garau u shfaqën në media për të kërkuar fonde për shpëtimin e vajzës së tyre që kishte nevojë për trajtim në ShBA.

Ata mblodhën më shumë se 420 mijë euro për trajtimin e supozuar, të cilat nuk u gjetën.

Pothuajse të gjitha paratë nga fondet janë shpenzuar për sendet dhe jetën luksoze të prindërve.

Vetëm 20 mijë euro nga paratë e mbledhura u përdorën për shpenzime mjekësore dhe për përdorime të tjera të justifikuara, zbuloi gjykata.