Babai e akuzon se i rrëmbeu vajzën 23 muajshe, shoferja trondit me rrëfimin e saj

Një shofere është arrestuar me akuzën e rrëmbimit të një vajze në Penn Hills, Pensilvani. Por detaje tronditëse kanë dalë nga gruaja. Ajo u akuzua nga babi i fëmijës se i kishte rrëmbyer vajzën mbrëmjen e së shtunës.

Paul Johnson tha se hypi në makinë së bashku vajzën dhe një mik.

Ai shtoi se kur doli nga makina shkoi për të nxjerrën vajzën nga sendilja, shoferja u largua së bashku me vogëlushen, e identifikuar si Nalani.

Johnson telefonoi policinë që arrestoi shoferen 25-vjeçare, Sharena Nancy në automjet. Por vajza nuk ishte me të.

Sipas dëshmive, Nancy u tha detektivëve se Johnson ia shiti vajzën e tij një personi për 100.000 dollarë dhe i kërkoi asaj që të bënte dorëzimin e fëmijës.

25-vjeçarja rrëfeu se ai i tregoi fotografinë e një gruaje me ngjyrë dhe i kërkoi ti dërgonte vajzën.

Nancy u shpreh se kur shkoi në vendin e takimit pa aty një SUV ngjyrë argjendi me targa të huaja të parkuar anash rrugës dhe bëri ashtu siç e kishte udhëzuar Johnson. Ajo e kaloi vogëlushen nga makina e saj tek mjeti i gruas, e cila më pas u largua.

Shoferja tregoi gjithashtu se pa brenda makinës edhe një grua tjetër.

Nalani rezulton të jetë vetëm 23 muajshe.

Gjyshja e saj, tha se rrëfimi i Nancyt nuk është i vërtetë.