Fëmijët rriten dhe në 14-vjetorin e martesës Jul Deda vazhdon me të njëjtat dedikime për bashkëshorten e tij

Një ndër aktorët më të suksesshëm në ekranin shqiptar është padyshim Julian Deda. Aktori i humorit përveçse i suksesshëm është po ashtu dhe shumë i dashur nga publiku dhe batutat e tij i bëjnë të gjithë të qeshin.

Jo vetëm një aktor i mirë, Juli di po ashtu të jetë një familjar për t’u marrë shembull. Janë të shpeshta rastet kur ai i dedikon të shoqes, Armandës, me të cilën ka dhe dy fëmijë, dedikime nga më të bukurat, që perveç fjalëve të ëmbla përmbajnë po ashtu dhe nota humoristike.

Ditën e sotme, Juli dhe Armanda festojnë 14-vjetorin e martesës dhe aktori ka zgjedhur t’i bëjë një urim epik, të cilin e ka shpërndarë në profilin e tij të Instagramit. Ai ka ndarë një foto ku shihet krahas së shoqes dhe ka shkruar: ‘Zemer, tani qe kemi 14 vite martese dhe jam rritur a mund te dal me shoket te rri deri vone? Te dua shume.’